Lögeign kynnir eignina Skálabrekka 11, 640 Húsavík

Eignin Skálabrekka 11 er sérlega glæsilegt, vel skipulagt hús staðsett miðsvæðis á Húsavík, í rólegri botnalangagötu með fallegu útsýni. Húsið er 7 herbergja, þar af 5 svefnherbergi með innangengnum tvöföldum bílskúr samtals að stærð 273,7 m2 en þar af bílskúr 48.3 m2. Húsið er byggt úr steypu árið 1983 og er á tveimur hæðum. Húsið hefur fengið gott viðhald alla tíð og er með fallegri aðkomu og snyrtilegum garði. Bakvið hús er skjólgóð timburverönd með nýlegum heitum potti og framan við hús er steypt (litur mynstursteypa) upphitað bílastæði með rými fyrir fjóra bíla og er hleðslustöð þar til staðar.
Eignin getur verið laus fljótlega. 

Nánar lýsing;
Efri hæð er 174,9 m2.
Eldhús er með eldri eikarinnréttingu með ljósri bekkplötu og góðum borðkrók. Í eldhúsrýminu eru fjórir gluggar með útsýni til vestur þannig að góð birta er inn í eldhúsið. Inn af eldhúsi er þvottahús og búr þar inn af. 
Stofurýmið er stórt. Borðstofa og setustofa er með stórum gluggum og útgengi út á svalir sem snúa til vesturs og suðurs. Úr stofu er hurð inn í hol í miðrými eignar og inn í eldhús. Gegnheilt viðarparket er á öllu stofurýminu og herbergisgang.
Herbergisgangur er með fjórum svefnherbergjum og er parket á öllum herbergjum. Tvö herbergin eru sérlega stór. Á ganginum er veggur með bogadregnum opum svo sést vel niður í sjónvarpsstofu.
Baðherbergi er flísalagt með ljósum flísum á bæði veggjum og gólfi. Hvít vaskainnrétting er á baðherberginu, upphengt salerni og bæði sturta og baðkar.
Sjónvarpsstofa er við miðrými hæðarinnar. Ganga þarf niður eina tröppu í rýmið sem er flísalagt. Útgengi er út á verönd úr sjónvarpsholinu.

Neðri hæð er skráð 98,8 m2.
Forstofa er flísalögð og er þaðan hægt að ganga inn í hol með gegnheilu viðarpatketi og upp stiga sem er einnig með gegnheilu viðarpatketi upp á efri hæð eignarinnar, en einnig er hurð inn í bílskúr og inn í stórt herbergi beint úr forstofu. 
Herbergið er mjög rúmgott með baðherbergi innst í herberginu sem er með upphengdu salerni, vask og sturtu. Stórir gluggar til vestur eru í herberginu og var allt rýmið nýlega parketlagt. Herbergið er hefur verið nýtt sem hárgreiðslustofa á undanförnum árum. 
Bílskúr er tvöfaldur með tveimur bílskúrshurðum þar af einni rafdrifinni og lökkuðu gólfi. Gluggar eru á hlið bílskúrssins. Bílskúrinn er alveg opin svo auðvelt er að hafa tvo bíla í skúrnum. 

Húsið sjálft er í góðu ástandi að utan og er allt umhverfi þess mjög smekklegt. Steypt bílastæði er fyrir framan bílskúr, innganghurð og meðfram húsi þannig að hægt er að koma fjórum bílum þar fyrir. Stórar svalir eru framan á húsinu og meðfram austurhlið þess. Timburverönd er mjög skjólgóð suð-austanmegin við húsið og að brekkunni þannig að mikil kyrrð er þar. Þar er nýlegur heitur pottur, timberuverönd sem er á tveimur pöllum og timburskjólveggir. 
Þak var yfirfarið og málað ásamt húsi fyrir um fjórum árum. 

Nánari upplýsingar veitir Hermann Aðalgeirsson lfg. í síma 865-7430 eða netfanginu [email protected] eða Hinrik Lund lgf., í síma 835-0070 eða netfanginu [email protected].

Forsendur söluyfirlits:
Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002. Fasteignasali sannreynir að þær upplýsingar séu réttar með sjónskoðun á eigninni. Fasteignasali getur ekki fullyrt um ástand og eiginleika þeirra hluta fasteigna sem ekki eru aðgengilegir og sjást ekki berum augum, t.d. lagnir, dren, skólp og þak.

Gjöld sem kaupandi þarf að standa straum af vegna kaupanna:
1. Stimpilgjald af kaupsamningi sem er hlutfall af fasteignamati. Stimpilgjald er 0,8% fyrir einstaklinga (0,4% við fyrstu kaup m.v. að lágmarki 50% eignarhlut) og 1,6% fyrir lögaðila.
2. Þinglýsingargjald af kaupsamningi, veðskuldabréfum, veðleyfum o.fl. Þinglýsingargjald er kr. 2.500,- fyrir hvert skjal.
3. Lántökugjald lánastofnunar. Um lántökugjald vísast í gjaldskrá viðkomandi lánveitanda.
4. Umsýsluþóknun fasteignasölu skv. gjaldskrá.
5. Ef um nýbyggingu er að ræða greiðir kaupandi skipulagsgjald, 0,3% af brunabótamáti, þegar það er lagt á