Ásgarðsvegur 1, 640 Húsavík
Tilboð
Atvinnuhús
5 herb.
234 m2
Tilboð
Stofur
0
Svefnherbergi
0
Baðherbergi
0
Inngangur
Sér
Byggingaár
1931
Brunabótamat
66.250.000
Fasteignamat
31.500.000

Lögeign kynnir veitingastaðinn Naustið, Ásgarðsvegi 1, 640 Húsavík.
Til sölu er rekstur veitingastaðarins ásamt fasteigninni að Ásgarðsvegi 1


Veitingastaðurinn Naustið hefur verið rekinn við góðan orðstír um nokkurra ára skeið á Húsavík. Árið 2016 festu eigendur kaup á núverandi húsnæði og fluttu starfsemina í hjarta bæjarins. Samhliða var farið í veigamiklar breytingar á húsnæðinu þar sem það var gert upp að nánast öllu leyti. Naustið sérhæfir sig í sjávarréttum sem unnir eru úr fersku hráefni enda auðvelt að nálgast ferskan fisk, grænmeti og annað sem ræktað er og framleitt í næsta nágrenni.
Staðurinn er búinn öllum nauðsynlegum tækjum og tólum og er hann fallega innréttaður en eigendur hafa haldið í upprunalegan stíl hússins sem er frá árinu 1931.
Staðurinn hefur verið vinsæll frá upphafi og fiskisúpa Naustsins orðin þekkt. Staðsetning er miðsvæðis við aðal hótel- og gistiþjónustusvæði bæjarins. Staðurinn er með rekstrarleyfi fyrir 60 manns. 


Lýsing fasteignar:
Húseignin Ásgarðsvegur 1 er 3ja hæða hús þar sem neðsta hæðin er steypt en tvær efri hæðirnar eru úr timbri og er birt stærð hússins samtals 234.9 fm. Húsið er klætt með bárujárni.
Núverandi eigendur festu kaup á húsinu árið 2016 og létu gera það upp að öllu leiti ásamt því að grafa út og stækka kjallara og því er hann með fullri lofthæð. Einnig var byggð viðbygging austan við húsið þar sem komið var fyrir salerni og vinnuaðstöðu/eldhúsi.
Húsið hefur verið fallega gert upp, sérpantað gler var sett í glugga til að halda í upprunalegt útlit þeirra og einnig voru upprunalegu gólfborðin látin halda sér. Við endurnýjun var farið eftir ýtrustu kröfum um brunavarnir og á einungis eftir að klæða undir stiga niður í kjallarann.
Í kjallara er vörumóttaka,lager og geymslurými, undirbúningseldhús og starfsmannaaðstaða.
Miðhæðin er aðal hæð hússins en þar er inngangur og afgreiðsla, tvískiptur veitingasalur, stórt salerni, vinnuaðstaða og eldhús. Við innganginn er stigi upp á rishæðina.
Efsta hæðin skiptist í setustofu, stóran tvískiptan veitingasal og 2 lítil salerni. Lítil skrifstofa er á hæðinni og geymsla innaf öðru salerninu fyrir ræstivörur.
Góð lóð er í kringum húsið og hefur verið vinsælt að sitja úti og njóta veitinganna á sumrin. Stór pallur sem snýr til suðurs er fyrir framan húsið og skemmtilegt útsýni yfir miðbæinn og út á Skjálfandaflóa. Bakvið húsið eru bílastæði ásamt því að steyptur var rampur niður í kjallarann fyrir vörumóttöku.
Annað:
Við endurbætur á húsinu var sérstaklega hugsað til þess að auðvelt yrði að breyta því aftur í íbúðarhús.
Til greina kemur að aðskilja rekstur og fasteign og selja í sitt hvoru lagi.
Búið er að skipta um alla glugga fyrir nema í kjallara.

Nánari upplýsingar veita Hermann Aðalgeirsson lfs, í síma 865-7430, tölvupóstur [email protected]

Forsendur söluyfirlits:
Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002. Fasteignasali sannreynir að þær upplýsingar séu réttar með sjónskoðun á eigninni. Fasteignasali getur ekki fullyrt um ástand og eiginleika þeirra hluta fasteigna sem ekki eru aðgengilegir og sjást ekki berum augum, t.d. lagnir, dren, skólp og þak.

Gjöld sem kaupandi þarf að standa straum af vegna kaupanna:
1. Stimpilgjald af kaupsamningi sem er hlutfall af fasteignamati. Stimpilgjald er 0,8% fyrir einstaklinga (0,4% við fyrstu kaup m.v. að lágmarki 50% eignarhlut) og 1,6% fyrir lögaðila.
2. Þinglýsingargjald af kaupsamningi, veðskuldabréfum, veðleyfum o.fl. Þinglýsingargjald er kr. 2.500,- fyrir hvert skjal.
3. Lántökugjald lánastofnunar. Um lántökugjald vísast í gjaldskrá viðkomandi lánveitanda.
4. Umsýsluþóknun fasteignasölu skv. gjaldskrá.
5. Ef um nýbyggingu er að ræða greiðir kaupandi skipulagsgjald, 0,3% af brunabótamáti, þegar það er lagt á

Senda fyrirspurn um eignina

Skilaboð hafa verið send.